ह्या नगरीच्या
ह्या नगरीच्या कशा आठवणी आजही
पाहुणचारा उभ्या आठवणी आजही !
ह्याच किनार्यावरी भेट तुझी व्हायची . .
त्या लहरींसारख्या आठवणी आजही !
कोण तिथे मारती, आतुर हाका मला ?
रानफुलांच्या मुक्या , आठवणी आजही
चंद्र असे आपला एक दिवा खाजगी
गूढ दिव्याखालच्या आठवणी आजही !
त्या झुडपांआडची ती वचने . . चुंबने . .
ओठभरी राहिल्या आठवणी आजही !
प्रतिक्रिया टाका
प्रतिक्रिया पाठवण्यासाठी आत जा