हत्तीवर बसायचंय् ?
गुबगुबीत हत्तीवर
बसायचंय् काय ?
आधी सांगा , पाठीवर
ठेवणार कसा पाय ?
शिडीबिडी उचलायला
लागतो भारी जोर
जाडजूड लांबलचक
आणणार कुठून दोर ?
सोंडेलाच धरधरून
जरी काढलीत वाट . .
सुळ्यांमध्ये अडकाल
त्याची काय वाट ?
पांढरर्‍याफेक दातांवर
कसेबसे चढाल . .
फडक् फडक् कानांच्या
थपडीनंच पडाल !
टुणटुण उडया मारून,
शेपटीलाच धरा
लाथबिथ लागली तर
दवाखान्यात शिरा !
प्रतिक्रिया टाका
प्रतिक्रिया पाठवण्यासाठी आत जा