शेवटी व्हायचे तेच झाले !
वृत्त : भामिनी
लक्षणे : गालगा गालगा गालगा गा
शेवटी व्हायचे तेच झाले !
ओळखीने नव्या पेच झाले !
बोलल्यावीण संवाद झाला
शब्द जेव्हा इशारेच झाले .
लोटले दूर ज्यांना जगाने ,
ते नभातील तारेच झाले !
विश्व आले जरी जवळ माझ्या ,
आपले मात्र परकेच झाले !
भेटता एक चोरून ठिणगी ,
कोळशांचे निखारेच झाले !
जन्मले . . वाढले . . वारले ते
शंभरी होत इतकेच झाले !
.
प्रतिक्रिया टाका
प्रतिक्रिया पाठवण्यासाठी आत जा