मोह . .

वेदनांचे वेड
स्वयंभू मनाला
मेघाच्या जन्माला
जावे वाटे . .

 

खाली जलाशय
वर तारांगण
कुशीत झोपणं
आकाशाच्या . .

 

सोसावे चटके
घेत वीजझुंज
न्याहरीला रोज
खारा वारा . .

 

जगाच्या कारणी
पडावा हा देह
जीवनाचा मोह
याच्यासाठी !

 

 

वा. न. सरदेसाई

Written by

" काव्य " हे सारस्वतांचे एक वाड्ःमयीन शक्तिपीठ आहे . दुर्गा , अंबा , चंडी , काली , भवानी ह्या आणि अशा देवता जशा एकाच शक्तीची अनेक रूपे आहेत ; त्याचप्रमाणे गीत , अभंग, ओवी , मुक्तछंद , लावणी , पोवाडा , दोहा , गझल , रुबाई इ. विविध स्वरूपांतून कविता प्रकट होत असते . . . . . . देवतांतील देवत्व आणि कवितांतील कवित्व ह्यांच्यात तत्त्वतः फरक नाही ; म्हणून भाविक आणि रसिक ह्यांच्यामधील आंतरिक नाते हे मुळात मनोगम्य असल्याने आध्यात्मिक नातेच आहे ! - वा . न. सरदेसाई

प्रतिक्रिया टाका