मोठ्ठी माणसं

मोठ्ठी माणसं मला
बाहुलीसारखं धरतात
नकोनको म्हटलं
तरी पापे घेतात !

 

कोणी म्हणतं गुलामा
कोणी म्हणतं लुच्चा
उगीचच घेतात
माझा गालगुच्चा !

 

म्हणून मी किनई
त्यांच्यावर रुसतो
गालांवरचे पापे
त्यांच्या देखत पुसतो . . !

 

– मोठ्ठी माणसं नुसती
तोंड बघत बसतात
कुण्णाकडे कशी
चौकलेटं नसतात ?

 

वा. न. सरदेसाई

Written by

" काव्य " हे सारस्वतांचे एक वाड्ःमयीन शक्तिपीठ आहे . दुर्गा , अंबा , चंडी , काली , भवानी ह्या आणि अशा देवता जशा एकाच शक्तीची अनेक रूपे आहेत ; त्याचप्रमाणे गीत , अभंग, ओवी , मुक्तछंद , लावणी , पोवाडा , दोहा , गझल , रुबाई इ. विविध स्वरूपांतून कविता प्रकट होत असते . . . . . . देवतांतील देवत्व आणि कवितांतील कवित्व ह्यांच्यात तत्त्वतः फरक नाही ; म्हणून भाविक आणि रसिक ह्यांच्यामधील आंतरिक नाते हे मुळात मनोगम्य असल्याने आध्यात्मिक नातेच आहे ! - वा . न. सरदेसाई

प्रतिक्रिया टाका