माझ्या जिव्हारी तो वार होता . .

सूटघेतलेले अक्षरगणवृत्त : स्वानंदसम्राट
लक्षणे : गागाल गागा ! गागाल गागा

 

माझ्या जिव्हारी तो वार होता . .
त्याला हवा तो आधार होता !

 

तक्रार चोरांची ज्यास केली ,
तो तस्करांचा सरदार होता .

 

त्यांचा बिळातच सत्कार झाला
इतका कसा तो लाचार होता ?

 

रस्त्यात पायी चालूनसुद्धा ,
जो तो हवेच्यावर स्वार होता !

 

आतंकवादी निसटून गेले . .
सूर्यास तेव्हा अंधार होता !

 

.

प्रतिक्रिया टाका