मला हवंय् एक रान

मला हवंय् एक रान
माझं असं एक रान . . !

 

एक मस्ताना पक्षी होणं
दाणे बिया फळं खाणं
रुजवीत जाणं
आपलीच घाण . .
– मला हवंय् एक रान !

 

फुलपाखरू भिरभिरतं
परागकण वाहून नेतं
फुलाफुलांत
गर्भाधान . .
– मला हवंय् एक रान !

 

वारा पाऊस उन्ह माती
आकाशाशी रक्तनाती
रक्तथेंब हिर्वं पान . .

 

– मला हवंय् एक रान !
माझं असं एक रान ! !

—————————————
कवी : वा. न. सरदेसाई

वा. न. सरदेसाई

Written by

" काव्य " हे सारस्वतांचे एक वाड्ःमयीन शक्तिपीठ आहे . दुर्गा , अंबा , चंडी , काली , भवानी ह्या आणि अशा देवता जशा एकाच शक्तीची अनेक रूपे आहेत ; त्याचप्रमाणे गीत , अभंग, ओवी , मुक्तछंद , लावणी , पोवाडा , दोहा , गझल , रुबाई इ. विविध स्वरूपांतून कविता प्रकट होत असते . . . . . . देवतांतील देवत्व आणि कवितांतील कवित्व ह्यांच्यात तत्त्वतः फरक नाही ; म्हणून भाविक आणि रसिक ह्यांच्यामधील आंतरिक नाते हे मुळात मनोगम्य असल्याने आध्यात्मिक नातेच आहे ! - वा . न. सरदेसाई

प्रतिक्रिया टाका