दु:खच कडवे व्हावे . .

सवलत घेतलेले अक्षरगणवृत्त : मातंगी
लक्षण : गागागा ! गागागा

 

दु:खच कडवे व्हावे . .
मी ते गीत म्हणावे !

 

पडक्या वाड्यावरती
तृण होउन डोलावे !

 

धनिक गुरांना कसचे
संस्काराचे दावे ?

 

माझ्याच खुन्यांची ही
नात्यामधली नावे .

 

चालत चालत आली
वेशीवरती गावे !

 

.

वा. न. सरदेसाई

Written by

" काव्य " हे सारस्वतांचे एक वाड्ःमयीन शक्तिपीठ आहे . दुर्गा , अंबा , चंडी , काली , भवानी ह्या आणि अशा देवता जशा एकाच शक्तीची अनेक रूपे आहेत ; त्याचप्रमाणे गीत , अभंग, ओवी , मुक्तछंद , लावणी , पोवाडा , दोहा , गझल , रुबाई इ. विविध स्वरूपांतून कविता प्रकट होत असते . . . . . . देवतांतील देवत्व आणि कवितांतील कवित्व ह्यांच्यात तत्त्वतः फरक नाही ; म्हणून भाविक आणि रसिक ह्यांच्यामधील आंतरिक नाते हे मुळात मनोगम्य असल्याने आध्यात्मिक नातेच आहे ! - वा . न. सरदेसाई

प्रतिक्रिया टाका