तुफाने येउनी गेली . .

अक्षरगणवृत्त : प्रमीला
गण : लगागागा लगागागा
छंदोरचना पृष्ठ क्र. २७९

 

तुफाने येउनी गेली . .
जिवांशी खेळुनी गेली !

 

फुलांना जे हसू आले ,
टिपे गंधाळुनी गेली !

 

कशाला कोकिळा रानी
तराणे गाउनी गेली ?

 

घरी राहून केव्हाची . .
सुखे कंटाळुनी गेली !

 

नदी जी कोरडी होती ,
पुराने वाहुनी गेली ?

 

.

सदाची पालवी येथे . .
नवी आली . . जुनी गेली .

वा. न. सरदेसाई

Written by

" काव्य " हे सारस्वतांचे एक वाड्ःमयीन शक्तिपीठ आहे . दुर्गा , अंबा , चंडी , काली , भवानी ह्या आणि अशा देवता जशा एकाच शक्तीची अनेक रूपे आहेत ; त्याचप्रमाणे गीत , अभंग, ओवी , मुक्तछंद , लावणी , पोवाडा , दोहा , गझल , रुबाई इ. विविध स्वरूपांतून कविता प्रकट होत असते . . . . . . देवतांतील देवत्व आणि कवितांतील कवित्व ह्यांच्यात तत्त्वतः फरक नाही ; म्हणून भाविक आणि रसिक ह्यांच्यामधील आंतरिक नाते हे मुळात मनोगम्य असल्याने आध्यात्मिक नातेच आहे ! - वा . न. सरदेसाई

प्रतिक्रिया टाका