अंतरातुनी रंगताच मी . .

सवलत घेतलेले अक्षरगणवृत्त : कामदा
लक्षणे :गालगाल+ गालगाल+
+ म्हणजे निश्चित गुरू .
छंदोरचना पृष्ठ क्र. ४०९

 

अंतरातुनी रंगताच मी . .
चाललो कुठे एकटाच

 

प्रेमपत्र की गझल ती तुझी ?
शेर वाचले चार – पाच मी !

 

विस्मृतीतही विसर ना तुझा . .
व्हायचे बरे का उगाच मी ?

 

आपसूक ते दार उघडते . .
हाक मारता एकदाच मी .

 

आरसा नसे आज मी तुझा . .
एक आंधळी भग्न काच मी !

 

.

वा. न. सरदेसाई

Written by

" काव्य " हे सारस्वतांचे एक वाड्ःमयीन शक्तिपीठ आहे . दुर्गा , अंबा , चंडी , काली , भवानी ह्या आणि अशा देवता जशा एकाच शक्तीची अनेक रूपे आहेत ; त्याचप्रमाणे गीत , अभंग, ओवी , मुक्तछंद , लावणी , पोवाडा , दोहा , गझल , रुबाई इ. विविध स्वरूपांतून कविता प्रकट होत असते . . . . . . देवतांतील देवत्व आणि कवितांतील कवित्व ह्यांच्यात तत्त्वतः फरक नाही ; म्हणून भाविक आणि रसिक ह्यांच्यामधील आंतरिक नाते हे मुळात मनोगम्य असल्याने आध्यात्मिक नातेच आहे ! - वा . न. सरदेसाई

प्रतिक्रिया टाका